بتقول وحشانى * نهله سعد

بتقول وحشانى
وانا اللى حبيتك حب خيالى
عيشتنى ايام مكانتش فى بالى
حب وغرام وكل الامانى
حبك ليا خلانى ملكه زمانى 
لو يوم عيونى بكيت كنت تخانق دموعى علشانى
لو يوم شكيت من اللى جرحونى تجري تقتل الجانى
حسستنى انى فى احلى ايامى
لو مشفتنيش يوم ..
كنت تفضل تقول وحشانى
غيرتك عليا كانت شكل تانى
دايما تقولى عنيكى وضحكتك وشقاوتك على طول وحشانى
كنت تقولى انا من غيرك معرفش اعيش ايامى
وفى يوم وليله لقيتك شخص تانى
شخص جنيت على كل احلامى
موت فى عنيا فرحه ايامى
حتى كلامك كان كله اغانى
وانا اللى كنت بقول دة اتغير علشانى
جرحتنى باسلوب انانى
سبتنى ولاهمك احزانى
ندمتنى على كل ايامى
بعد ماكنت كل ايامى
غرقتنى فى بحور اوهامى
كنت شايفاك فارس احلامى
خلتنى اتاكد انك واحد انانى
بعد ماكنت بصدق اى كلمه تقولهالى
شوفت عنيك وانت بتكسر احلامى
بعد ماكنت بتقولى عيونك هى فرحه ايامى
خلاتنى اصدق ان الحب كلام فى اغانى
كسرت قلبى وفوقتنى من اوهامى
عرفتنى ان حبى كله كان حلم من خيالى
جاى بعد كل دة تقولى وحشانى

نهله سعد