ايوة لم أكون. .... ولن * ابراهيم بدر عبدالله

ايوة لم أكون. .... ولن
إنسان تافه صاحب فتن
عمري أبدا.. م استكين 
مش هتاجر يوم بالدين
لم أكن في يوم.. جبان
ولا هبكي على سكوب لبن
مش هكون تابع لحد
آه نعم......و لأ ضد
ولا هبقى للنفاق سكن

مش يكون ليلي نهار
جنتي مش تبقى نار
عقلي مش راكنه ف رف
إنسان مش براس حمار
بسمة من عدو خسيس
تنزل ريالتي... و أحن

أيوة لم أكون ...ولن
انشر يوم أبدا إشاعة
مش هكون دش و إذاعة
هبقى ضي ..للكفيف
قلبي أنا راضي وعفيف
مش هكون عقلي خفيف
أيوة انا مصري شريف
مش هغمض عن حقوقي
حتى لو مفيش رغيف

لم أكون أبدا.......ولن
أيوة أخويا فوق دماغي
افديه انا بدمي وروحي
بس كله إلا......قفايا
مش يجي عليه.. ويرن
أرضي هي كل عرضي
لو هموت أنا مش هسيبها
كل شبر فيها....دم
من أبائي ومن جدودي

لم أكون أبدا.....ولن
مش هكون في يوم نعامة
أصلي نسر مش حمامة
مش شوية..... هلافيت
يهبلوني........بالدراما
ياما انا ضحيت وياما
وطني مش راح يترهن

أيوة انا دوا... للعليل
بس مش هكون هزيل
واللي هيقرب من طيني
نهار أبوه راح يبقى ليل
لو ف يوم خليت ببلدي
قولوا ان ابراهيم لعين
لم أكون أبدا ......ولن
أيوة لم ولن.....ولن
أصلي مصري مش عفن

ابراهيم بدر عبدالله