ساكتة ليه ؟ الشاعر / ناصر عبد المقصود

ساكتة ليه ؟
وأنت اللى عارفة إن الكلام
منك دوا
ساكتة ليه ؟
وأنت اللى علمتى الحياة
معنى الهوى
شدينى من بحر الهموم
خلينى جنبك مستقيم
ووعد منى لو فى يوم
فكرت أقوم هنعيش سوا
أنا حاسس إنك دنيتى
أنا حاسس إنك فرحتى
أنا شايفك انتى فى سكتى
والقلب فى العشق استوى
ما تفكريش
وتعالى أقولك عن حياتى فى دنيتك
أنا مستحيل أنسى حلاوة خطوتك
حتى الدموع
تاهت يا عمرى فى بسمتك
والشمس غابت لما شافت طلعتك
خايفة لتسخن ع الحليوة السكرى
وإن قلت يوم إنك بشر
أو حتى قلت إنك قمر
شكلك ملاك فوق أرضنا
جيه تنورى فى الفضا
ساكتة ليه ؟
وأنت اللى عارفة إن الكلام
منك دوا
الشاعر / ناصر عبد المقصود