قلب الحبيب * طارق عطية

قلب الحبيب

سابح في بحرك ياقلبي. وف.هواك عايم
لا حبك سقاني الحنان ...ولا الحنين دايم
صابر علي الحرمان... وقلبي مش صايم 
سهران لوحدي الليل وقلب الحبيب نايم

القلب طول الليل سهران
لا صحبة حلوة ولا خلان

مش لاقي حد يواسيني
وبدمع عيني بقيت حيران

اسهر كمان مع احزاني
وتقوللي نتقابل تاني

د.الحزن مش محتاج لميعاد
عارف زماني وعنواني

توبة يا قلبي خلاص راح اتوب
ولازم ارضي بالمكتوب

مادام مفيش قلب يحبك
ضيعت عمري في حب قلوب

خليك مع الله وأنساها
مفيش نصيب تبقي معاها

تعبت من غدر الاحباب
تعبت من جريي وراها

طارق عطية