صعيدي رايح جاي * طارق عطية

صعيدي رايح جاي

رايح جاي صعيدي محتار
وابوه عمدة يبيع في اثار

خوجه تاريخ ومدرس فاشل
طلبه ما تعرف الاستعمار

كنز وفتحه ابوه وصديقه
وكأن ما بينه وبينهم تار

لما اتخانقوا الناس اتلمت
عايزين يعرفوا ايه الاخبار

نزل العمده وراح لزباينه
شرب الخمرة كأنه في بار

سواق سكران ماشي يلوش
خد عربيته والعمدة وطار

صاحب العمدة لقوه مقتول
قالوا حياخدوا من ابنه التار

راح لجنازة ابوة كان خايف
عملوه عمدة وهو حمار

مذيعة ومخرج جم فى طريقه
واتقابلوا الاتنين في الدار

عصابة وجت خطفتها فى غفلة
عايزة الكنز ودول اشرار

والاعداء وقفوا فريق واحد
خطف الانثي حداهم عار

قبضوا على الاشرار واتصالحوا
والمصيدة وقعت في الفار

طارق عطية