قول يا رب * بقلمى/ نصرة عبد المجيد حسب الله

قول يا رب

لما تلاقى همومك حمل ثقيل قول يارب
لما تلاقى الدمعة على الخدين قول يارب
لما تلاقى الظلمة على الجنبين قول يارب
لما تلاقى فى مرة القلب عليل قول يارب
هتنادى عليك الأنهار قرب واشرب
فى طريق المولى أنوار إياك تهرب
ارتوى من نهر الإيمان كدة تكسب
المولى علمنا كلام مليان حب
بحب الخير بنعيش فى أمان ونقرب
من بعض ونور الإيمان يملا القلب
ليه تسلك طريق الكسلان إ يه تكسب
وفى إيدك تروى العطشان من غير تعب
بالتأكيد أنت الخسران وبتهوى الصعب
العصافير فوق الأغصان بتقول يارب
طافت بأرض الرحمن وكان لها مكسب
علمها ياريت للغلمان علشان تشرب
من الخير وتزيل الأحزان وتزيل الكرب
ونعيش فى رعاية المنان قول يارب

بقلمى/ نصرة عبد المجيد حسب الله