فين ألائي الراحه »»» بقلمي ماهر البساطي.

««« فين ألائي الراحه »»»

انا فين ألائي الراحه
والبال كده مشغول

حاسس أكني في واحه
وانا اللي فيها مظلوم

صعبان عليا نفسي
غالبني تعبي ويأسي

ونهاري اتبدل ليلي
وقمري اتحول شمسي

وانا
كل اللي شايفه غيوم..

سراب انا عيني شيفاه
وتايهه عن الحقيقه

والوجع في كل مكان
معايا دقيقه بدقيقه

تعبت خلاص يا دنيا
تاهت مراسيا

والدمع اللي كان في عنيا
بقي جوه..بيسري فيا

شارده الاحلام بعيده
والامل نفسي اطوله

اعيش بُه حياه جديده
وبالصبر يمكن انوله

والصبر في نفسي ماصبرش
من الزحمه اللي جوانا

زرعته كما البذره في ارضها
آتاري الارض مليانه..

بقلمي
ماهر البساطي..