(( هل الربيع )) * بقلمي أحمد الغرباوي
(( هل الربيع ))
هل الربيع وبان
واخضرت الأغصان
هل بجماله وابتسم
وزهزه الكون عطر وألوان
صحصح الزهر من نومه
قالي اصحى يا نعسان
تعالى نسمع أحلى نغم
من البلبل النشوان
تعالى نقول للحب نعم
وننسى قسوة الحرمان
ننسى ليالي العدم
وافتح للهوا الأحضان
ده الربيع هل وجانا
واحلوت الألوان
يلا نفرح سوا
ونسمع الألحان
سهرانة نجوم السما
ومعانا القمر سهران
يحلى السهر فى المسا
والكون بالربيع فرحان
يرقص الطير متهني
والزهر على الأغصان
يغني لحن الهوا
ويسامر البستان
صاحية العصافير تزقزق
بدري آخر روقان
تصبح ع الشمس
وهية بتشقشق
ويعزف الكروان
يغنوا لحن الأمل
والربيع عنوان
وداع يا برد يا ألم
خلاص آن الآوان
هل الربيع وابتسم
والجمال فى الدنيا إترسم
صورة جميلة حلوة
بدون ريشة أو قلم
يا دى الجمال والهنا
يااارب يااارحمن
يا خالق الأكوان
هل الربيع وابتسم
واخضرت الأغصان
بقلمي
أحمد الغرباوي
تعليقات
إرسال تعليق