أحلام الشباب *بقلـــــم: عــــــادل الشــــــهــابى

أحلام الشباب 
ليه فيكى يا دنيا شباب مش شغال ..
ليه واقف فيكى بس الحال ...
سمعتى طيب ردى على السؤال ...
شباب وخلص تعليمه ...
كان بيحلم من الهم حد يشيله ...
ويريحه يا ناس من تفكيره ..
شاب وكان راسم حياته ...
بيحلم بحبيبته تكون هى مراته ...
ووظيفه تلبى كل طلباته ...
كان بيحلم بحياه بعد الدراسه ورديه ..
الحان وكلمات جميله فى أغنيه ..
خلص والدنيا صدمته ...
ومن احلامه الورديه صحته ...
ولظروفه خسر حبيبته وخسرته ..
وأخده منه واحد مش من دفعته ..
علشان كان مسافر والدنيا أدته ...
أمتى فى بلادنا هنلاقى لكل شاب وظيفه ..
وبيها يعيش حياه شريفه ...
وفلوسها تكون كتيره مش بالتعريفه ....
عاوزين الشباب تحلم وتحقق حلمها ...
عاوزين نشجعها ونقف جنبها ..
عاوزينهم فى بلادهم يحسوا بالامان ..
ويرجع من تانى الخير بتاع زمان ..
والرخاء والخير يملى كل المكان ...
أحلام الشباب مشروعه ...
لازم تكون فى أول أهتمامتنا موضوعه ..
والضحكه تكون من القلب مش مصنوعه ...
مش عاوزين نسأل تانى الدنيا عن الاشغال ..
عاوزين نلاقى خير ويتبدل للشباب الحال ...
أن شاء الله يا دنيا ....
بقلـــــم: عــــــادل الشــــــهــابى