سبنى أعيش * ايمان ذهنى

سبنى أعيش

بلاش تجرحنى وتظلمنى .....
على دنيا عيشناها
وسبنى أعيش 
سمحتلك تعدى حدودك
و تخدعنى بكلام ووعود
وتجرحنى بكلام كتير
ملوش معنى
فياراتك تسبنى أعيش
نسيت كل اللى كان بينا
نسيت الضحكة واللمة
نسيت كل أيامنا
وليالينا وأحلامنا
نسيت كل اللى عشناه
فى لحظة طيش
فيارتك تسبنى أعيش
دأنا كنت بعيش
على ضمه
مابين أحضانك الحلوه
مابين الحرف والكلمة
أنا كنت بعيش
فمتلومنيش
وسبنى أعيش
كان بينا كلام
كان بينا غرام
وحكاية عشق
ولا ف الأحلام
كان بينا كتير
راح أنساه
رأح أسيبك لأحلامك
وأوهامك
فمتلومنيش ..
وسبنى أعيش ..
لوشوفت خيالى على بابك
متفتحليش ..
أو جالك طيفى ف منامك
متسمحليش
وسبنى أعيش ..
كسرت القوه والفرحة
وجاى دلوقت بتلومنى
لاء متلومنيش
وسبنى أعيش
رحيلك مش هيكسرنى
راح أكمل
ولوطيفك فى يوم زرنى
هصحى نفسى من حلمى
عشان أقدر أعيش
فمتلومنيش
وسبنى أعيش
ولوعدى الزمن بينا
وشوفت الدمع فى عينيا
متسألنيش
وسبنى أعيش ... سبنى أعيش