إسمعي للشاعر عمر امبابي

إسمعي
إسمعي قلبي تلاقي
كُلِّ دقة بدمعتتين
لسَّا شايف فيكِ زهرة
عطرها ياليل ياعين
هُوّا عينك لسَّا فيها
سحر باين من سنين
ولَّا خدك لسَّا وردة
يشفي قلبي من عليل
يازماني نُوح ونادي
هيَّ عبلة ساكنة فين
ولا لَيْلَى حُبِ عُمري
راح هواها ويَّ مين ؟
أنا بعشق نور عنيها
بس نورها مال لمين ؟
يلِّي قلبي حبك انتِ
إسمعي لدموع حزين
هتلاقيني في منامك
طيفي بيغرد حنين
ولا أشواقي في قلبك
سِرّها الله يعين
يلَّا قولي حُبك انتَ
أقوى من هجر السنين
نفسي أسمعها تلاقي
قلبي غَنَّى غنوتين
عمر امبابي