قصيدة / ( الم القلم ) بقلمى / هدى سيد

قصيدة / ( الم القلم )
بقلمى / هدى سيد
٢٠١٦/٤/٣٠
كل الأقلام إتلونت بلون سواد
حزن والم
كل الأقلام اتلونت بلون الدم
حسرة وندم
وكل الناس إتالمت وإتكلمت
زاد الصراخ
ويا النحيب والإعتراض
سوريا يا ناس بتتحرق
سوريا يا خلق بتتحرق
وكل شاعر مننا سن القلم
وكتب قصيدة هجوم على
قادة العرب
وصرخ بأعلى الصوت ونادى
ع العرب
وحثهم على الجهاد والإتحاد
والدنيا قامت كلها بحبة كلام
هما يا دوب حبة كلام
وصور أطفال وشيوخ كتيرة بتتقتل
وبيوت بتتهدم على رؤوس
البشر
نطق الحجر
وناس كتير إستغربت انا
ساكتة ليه
ماشاركتش حتى ولو بكلمة
واحدة ليه
حتى أنا مستغربة
ومسكت قلمى حايلت فيه
يمكن حروفه تتكتب
على الورق
بس القلم رفض يشارك بالكلام
أيوه رفض
وصرخ بأعلى الصوت وقال
قصيدة إيه
لمى الورق..لمى الورق
لمى دفاترك وانزفى
دمع العيون
كل الحروف ناصبة العزا
هناك فى حلب
ازاى بتطالبينى بأه اكتب قصيدة
والحروف مش ف الكفوف
لمى الدفاتر واسكتى
لمى الدفاتر واسكتى