((ساعة الصفر)) بقلمي أحمد الغرباوي

((ساعة الصفر))

أيه مسموح.. وأيه ممنوع..؟.
ساعة الصفر ما فيش رجوع
مش عايز أشوف فى عنيك دموع
ولا نظرة ذل أو حتى خضوع

دموعك داريها يا امي وامسحيها
بسمتك بدمي وروحي اشتريها
لغير الخالق ما فيش ركوع

أيه يعنى دمى يا امى يسيل..؟.
أو حتى آقاسي وأشوف الويل
تعيشي وراسك مرفوع

دمي أبداً ما لوش بديل
أنا وابني جيل من بعد جيل
ديماً على بابك نحمي ترابك
نتحدى بيك كل الجموع

أم الدنيا روحنا فيك
نبيع حياتنا ونشتريك
تعيشي وصوتك مسموع

مصر دمعك مستحيل
مهما طال علينا الليل
لابد شمسك من سطوع

من قلبنا موحدين ربنا
والكل فى صلاته مننا
عقيدة.. وقدسية.. وخشوع

رايح كنيسة أو رايح جامع
شمال يمين نفس الشارع
حب الوطن فينا جامع
من حقنا ومش ممنوع

اسمي أحمد.. وجاري مينا
مؤمن بربي ومحمد نبينا
وقبل منه كان يسوع

مصر أمي وبرضة أمك
زي ما تهمنى أكيد تهمك
أمي وبصون عرضها
وهقيدلها صوابعي شموع

بدمي أرويها بروحي افديها
وبلاش نغير ف الموضوع
ساعة الصفر ما فيش رجوع
بقلمي
أحمد الغرباوي