معارضة لقصيدة أنا المصري ) للأديبة والشاعرة ( وفاء العمدة ) * بقلم خالد شبايك

معارضة
لقصيدة
أنا المصري ) للأديبة والشاعرة ( وفاء العمدة )
أنا المصري
أنا بحلم
أكون الحلم
ذت نفسه!
ولسة الضحكة
ف عيوني
وبرسم فوق
خطاوي
الضي احلامي
وخلي لبكره ولبعده

حصاد العمر
ف كتابي وف يميني
أنا بحلم
أكون صفحة
يدوب بيضة
تشخبط
فيها
ماتشخبط
وترجع تاني
تمسحني
تشوف الحب
راس مالي

انا بحلم
يدوب ع الأد
وبتكلم
كلام بالجد
لو عشت
الكلام كله
ماليش غير السنين
والعد !
انابحلم اكون
طاير علي بساط
السحاب لبيض
ألم الخير
ف أحضاني
وحكي حكاية
عطشانة
لمين يفهم
لجيل يسمع
وياخد من امل بكرة
تكون صفحة
علي نورها
ألاقي الحلم يندهلي
انا المصري!