سألونى بحبك ليه ؟؟....للشاعرة : حنان أمين

سألونى بحبك ليه ؟؟
قلت اسالوا
قلبى اللى
ساكن فيه.
ده هواه جوايا
ونبضى كله ليه.
طيفة ملاحقنى
ونور العيون باخده
من ضى عنيه.
بينطق اسمى زى
اللحن بيتغنى بيه .
بيقولى بحبك
بسمعها نغمات
بصوتة وهمساتة
الحان بيشجينى
ويغنيلى احلى
كلام بشوقة
وحبه اللى ماليه .
اسعد لحظاتى
وايدى بين ايدية .
لمستة بتحيى
كل المشاعر
والشوق ليه.
مش عارفة برضوو
اجاوب بحبك ليه.
ده احساسى
بيك لا يتوصف.
ولا كلام العالم
يكفى وصف
مكانك فى قلبى
ولا الشوق فى
عنيا قدرت ادارية .
حنان امين