ايه يعني*امال عبد القوي

من ديوان بحبك مووووت
اهداء الي
استاذي الذي كان يدرس لي مادة الاعلان الصحفي

قصيدة بعنوان ايه يعني

انزل لي من البرج العالي
انزل لي ياكل امالي
يااطلع لك علي عيني وقلبي
او. تنزل علي عيني ياغالي
ايه يعني دكتور ف الجامعة
ما. انا حلوة وعيوني شقية
ما. تجيني لو. يوم الجمعة
احكيلك عن كل ما. بيه
لو. جيتني احلف بغلاوتك
واحكي لك عن قسوة قلبك
وهاتشهد علي ظلم قساوتك
ويوميها الومك واعاتبك
لو. فعلا. دكتور فهمني
ليه نار اشواقك تالمني
ياما. ناس تتمني تكلمني
واهرب. واقول الله يحنن
وده. كله اخلاص ف. هواك
ولا. تسال فيا. والا. في قلبي
تنساني وانا اجري وراك
وباحبك طب قول ايه ذنبي
انا قطة ورموشي طويلة
وف. حبك هااعمل ميت حيلة
هااعملك شبكة باشواقي
ادخلها ياابو ضحكة جميلة
دانا ياما هجرك عذبني
وحياتك والله يا ،، دكتر،،
وتعالي لقلبي ودوبني
راح. احبك انا اكتر واكتر
يا اطلع لك واعمل مابدالي
واحير ايام معاليك
احسن لك انزل لي ياغالي
لا. ابكي الاشواق ف عنيك
ايه يعني استاذ. دكتور
ما. يغركشي ان انا. تلميذتك
ومسيري. هايجيني الدور
واتعين دكتورة زميلتك
ما انا حلوة ودلوعة ماما
يا ابو ضحكة بتدوب فيا
بااتمني ارجع بسلامة
من هجرك وعنادك. ليا
مش عايز من برجك تنزل
ولا. حتي تفكر اطلع لك
من عندك انا قلبي اتزلزل
ان شاله الزلزال يوصلك
طب لم الاشواق مع حبك
وابعد نظراتك من فضلك
وانا. بوعد. روحك مع قلبك
لو. تنده. ولا مرة اسمع لك

شاعرة النيل
الاديبة والاعلامية
امال عبد القوي
تحياتي
ورد المني