متسأليش بقلم/الشاعر عبدالهادي غزال

بقلم/الشاعر عبدالهادي غزال
متسأليش
انتي لسه بتسألي
اني بحبك ولا لا
ده انا من يوم ماشوفتك
قلبي مابطلش دق
انتي لسه بتسألي
كل ده ومتعرفيش
لسه قلبك ياحبيبتي
لسه برضه محسنيش
ده انا قلبي دايب في الغرام
من يوم ماشوفتك
وبدمه راسم جوه منه
ملامح لصورتك
ايوه بحبك
حتي اسألي دموع عيوني
وهيا علي طول راح تجاوبك
هتقولك بحبك بعشقك
بس قلبك ياحبيبتي باينه
لسه محسنيش
فاكره لما كنت بتلكك واقول
ان فيه حاجه واقعه منك
دي حاجتي انا
بس كنت بتمني ساعتها
ان كفي يبقي جوه حضن كفك
واعيش لو ثواني في والهنا
وأحلم وأعيش
العمر كله جنب منك
واتمني عمري يزيد
ومهما زاد العمر عندي
كأنه ساعه متكفنيش
خليني اعيش
جوه حضنك واحس وياه بالدفا
وما تحرمنيش
من حب قلبك وتقولي خلاص كده اكتفي
ومهما العوازل قالولك كلام
عني ياروحي متصدقيش