حب ومن غير عذاب *طارق عطية.......شعر غنائي

حب ومن غير عذاب
مشاعرنا كتير بتخطأ..........مع ناس مستهلوهاش 
حتي الأحساس بينطق........ في سكوته الحب عاش 
ولأمتي حعيش أحاول........في جراح مش أدها 
.................................
أنا عارف حبي ليك.........بقا حلم حلمت بيه
قلبي وشاور عليك ........وأنا بس بأيدي أيه
لو حبك دنيا حلوة .........نفسي أشبع منها
..................................
اتمني نعيش حياتنا .......في جزيرة لوحدنا
أهاتنا ودكرياتنا .......نحكيها لنفسنا
علشان تكون ......قلبي الحنون
أبعدنا عن .......كل الظنون
....................................
أحساس في قلوبنا نغمة.......أحساس ولا في الخيال
أوراقه رقيقة ناعمة ...... بتعبر ع. الجمال
وردة وبخدود رقيقة .........وأحلامنا زيها
...................................
ليه ما نعيششي الحقيقة.......منخافش من السراب
بقلوب طاهرة وبريئة.........حب ومن غير عداب
طعمه الحلو في حياتنا ......مش حزن ومرها
.................................
بتمني نعيش حياتنا.........في جزيرة لوحدنا
أهاتنا ودكرياتنا ..........نحكيها لنفسنا
علشان نكون .............قلبي الحنون
أبعدنا عن ............ كل الظنون
.............................
طارق عطية.......شعر غنائي