احببتينى * بقلم عصام محمد على الإدريسي

احببتينى فصارحتينى بحبك
وقتها سألتك هتستحملينى فى حبي

رديتى وقلتى هشيلك جوا عينى وقلبى

قلتلك هتغيرى عليا وهتتعبى

قولتيلى الغيرة في طبعى وفى دمى

لكن انت عارف انى بحبك وهتستحملنى

قلتلك وانا بحبك برضه وبغير عليكى

ومن حبى ليكى زادت ثقتى فيكى

قلتلك خلى بالك انا محبوب وسط أهل بلدى وجيرانى

قولتيلى شئ يسعدنى كفاية انك حبيب عمرى وايامى

قلتلك فيه كلام كتير مش هيعجبك هتسمعيه عنى

قولتيلى مايهمنيش أهم شئ انك بتحبنى وتبقى جنبى

قولتلك هيقولو ليكى انى بتاع بنات وكلامى رومانسى

قولتيلى وانامبسوطة وهقلهم كفاية انه يصبح عليا ويمسى

قولتلك اسمعينى واحفظى كلامى عشان مايجى اليوم إلى تزعلى منى وتلومينى

قولتيلى بعقلى وقلبى سمعاك يانن عينى

قولتلك

اناصعيدى وطبعى حامى

وعزة النفس والكبرياء عندى شئ رباني

وارثهم عن جد جدى وابويا عليهم رباني

النزاهة والشياكة عنوانى

لبسي فى المدن قميص وبنطلون لكن جوا الصعيد أساس لبسي العمة وقفطانى

الناس بتحترمنى وتعمل الف حساب لكلامى

والكلمة بتحاسب عليها مادام طلعت من لسانى

الغضب يظهر على وشى لوشفت حاجة مش عجبانى

وممكن رد فعلى مع غضبى يكون شئ تانى

هتستحملينى

قالتلى

انت حبيبى ونور عينى وانا عشقاك

راضية بكل شئ منك بس أعيش وياك

مايهمنيش أي شئ ولا هزعل من شئ أهم شئ رضاك

وتقول الناس عنك مهما تقول ولا ينقص فى قلبى غلاك

انت حبيب عمرى وحياتى وبكلامك وافعالك رايداك

بحبك وعشقتك وفرحى ماهيكمل إلا وانا معاك

بقلم

عصام محمد على الإدريسي