اتأخرت كتير ياحبيبي اشعار ا/فاطمه خاطر

اتأخرت كتير ياحبيبي
واستنيتك ترجع ليه
بس بعادك طال صدقني
وبراح الدنيا ضاق بيه
حسيت حالي يتيمه فبعدك
واتمنيتك تهجر عندك
تيجي تاخدني واروح عندك
والا لثانيه تحس ما فيه
اتأخرت كتير ياحبيبي
واصبح بعدك ده شئ عادي
زدت ببعدك ناري ولهيبي
خليتني اهدد ببعادي
وزي ما عندك زاد بديت اعند
واهدد زيك واتوعد
ماتشوف مني فيوم حنيه
اتأخرت كتير واتألم
قلبي وعقلي م التفكير
ايه خلاك عني تتحول
شوف اد ايه كان قلبي كبير
بس بعادك طال صدقني
والافكار صبحت تضايقني
لو مش قادر تحيا فقربي
وزهقت خلاص م المداديه
يبقي احسن لنا ننهي القصه
مهما ان كانت الاحداث ناقصه
فيه ايه تاني فاضل لسه
عمرك ثانيه ما هاتكون ليه
اشعار ا/فاطمه خاطر