طبيب نفسي طارق عطية

طبيب نفسي
كان نفسي يوم أفتح. عيادة طب نفسي
من زمان د.حلمي وكان............ احساس في نفسي
كنت عارف ان زبايني ......حيكون معظمهم مغرمين
اصل العلاج النفسي للصدمات وخصوص العاشقين
غيرة.شك.حب.ومعاهم....................... مرض الهوي
بس يا خسارة العلاج ....في الحالات دي ملوش دوا
هي وصفة لكل حالة ..................بكتبها في روشتة
المريض ياخدها مني .....يحطها في جيب الچاكتة
دكاترة القلب دول ياما ..................بودي لهم زباين
اللي قلبه تعب واللي المرض .........علي وشه باين
دكتور وعمري ما حطيت.......... في رقبتي البتاعة
لا عمري عملت عمليات ولا حتي بفهم في الاشاعة
دكتور وكل عدتي............ شيزلونج ورزمتين ورق
كان عندي تسجيل......... من كتر الكلام اهو اتحرق
اتعابي غالية جدا.................... لاني مختار الزباين
ناس ارستقراط ولبسهم................ّ. اهو حتي باين
ساعات تجيلي زبونة ...................بمشكلة عاطفية
اخد وأدي معاها اهو................. اديني اتعلم شوية
مرة غيرة ومرة هجر ...........ومرة تالتة عن الاسية
روچتتي ساعتها كلمتين ...حلوين وحقنتين حنية
ساعات يجيلي زبون ....وجيه الاقيه بيتجنن عليا
يفتح لي علبة صغيرة ويقوللي فيها ايه العلبة ديا
ساعات تجيلي واحدة شيك تقول اليوم ده يومها
الاقيها من غير كسوف عمالة تقلع لي في هدومها
وأهو كله ماشي ولازم اقول ..........حاضر وطيب
وكل مهنة ياعزيزي القارئ................. وانت طيب

طارق عطية