أنا الأحساس .شعر : حسن يونس شاعر الزمن الجميل

أنا الأحساس .. أنا أبن الناس .
*********************
أنا اللى قلبى مسودش ولا أتلون
أنا الأحساس
أنا اللى فى حضنى أويتك وداويتك
أنا أبن الناس
أنا اللى هزمت حراسك قصاد ناسك
أنا الأخلاص
أنا اللى زرعت صحاريكى
ومن عرقى ومن طينك
حصدت الماس
أنا اللى بايدى كبرتك وعلمتك
أنا الكراس
أنا اللى برغم أعدائى اللى حاصرونى
رفضت أنداس
أنا اللى برغم أحزانى وأشجانى
رفعت الراس
أنا اللى فتحتلك قلبى ومن سمك
شربت الكاس
أنا الأحساس
أنا أبن الناس
*********
شعر :
حسن يونس
شاعر الزمن الجميل