مش خاينة*طارق عطية

مش خاينة

انت ايه أنسان اناني ماتعرفشي معني الوفاء
كل همك هو حضني ..كل همك الدفا

فاهم اني متلهفة .............غلطان في المعرفة
سامحني متأسفة.............حبيبي أولي بيا
............................................

لما انت صديق خطيبي ...ازاي عايز تخونه
مش أولي بيك وبيا....في غيابه انك تصونه

بترد له الامانة...............بصورة من الخيانة
صدقني انا غلطانة.......اني اخدتك عليا
...........................................

لو انت ليك قريبة .......ترضي تبقي كده
ومهما كنت خاين.........لا انا متأكدة

كنت اعتبرني اختك ....او حتي ذي جارتك
وريني طب امارتك.....لو كنت ترضاها ليا
..............................................

طارق عطية