عايزة اتجوز - الاعلامية الاديبة امال عبد القوي عضو اتحاد كتاب مصر
عايزة اتجوز
وبحلم طول سنيين عمري
بواد. ما. حصلشي
يكون فارس كما عنتر
يكون شاعر
ولو. حتي يكون شوقي
ويبقي حكيم
كما. لقمان
يجيني من حواديت الليالي الالف
ويخطفني من الدنيا اللي رفضاني
يكون اجمل
ومش عايزاه يكون يوسف
اراوده عن حنين قلبه
ما يرفضش
وما. يشفشي في يوم غيري
اشد. قميصه يحضني
طيب كسبع سنابل خضر
قميصه ينور الدنيا
وبحلم طول سنين عمري
بواد. ما حصلش
يكون صديق
ويبقي معايا في الرحلة
في مشوار عمري
ويحميني
يكون ثائر
يفجر عمري بالثورة
يغير. هذه الدنيا
ويزرع ف الوجود قمرة
يكون شعبي
ويشرب شاي علي القهوة
مع قلبي
يكون عيد الحياة كالفطر والاضحي
وبحلم
ايوة انا بحلم
ولكن خايفة ان اصحي
الاعلامية الاديبة
امال عبد القوي
عضو اتحاد كتاب مصر
عضو نادي القصة
عايزة اتجوز
من ديوان احبك اكرهك
مسجلة مسجلة
تعليقات
إرسال تعليق