وفستان الفرح ليه مش لبساه - بقلم / محمود عبد اللطيف
وفستان الفرح ليه مش لبساه؟
ليه نسياه وركناه؟
ليه قلعاه ماانتى اللى عملاه
وبايدك غزلاه
وراسمه نوره وبهاه
انتى نسيتى نفسك معاه؟
ولا عشقتى جهله وهواه؟
انت أصلا مش معاه
ولا حتى قابله صحبته
ولا طايقة ارضه وسماه
بس أقولك حاجة فى سرك!!
انتى اللى عملاه
لما سبيتية يتشعبط
ليه ماضربتهوش على كفاه
مهما يعمل دى اخرته ومنتهاه
بس افرحى وفرحك كلنا بنستناه
عشان نغير هدومنا وهمومنا
ونرميها ونكسر الف زير وراه
ماهو غلبنا معاه
والسعد بقينا بنتمناه
من يوم ماجانا
وحالنا يصعب عالكافر ياولداه
وشمع الفرح عندك مجهزاه
ولا اجيبلك شمس معاه
لاجل الدنيا ماتفرح ياه وياه
الفرح والله وحشنا والكل بيتمناه
يارب عجل
وطيب نفس جريح
نسى الفرح من كتر الاه
................
بقلم / محمود عبد اللطيف
تعليقات
إرسال تعليق