قصيدة ( هون عليه دنيتي ) الشاعر / عاطف عمر

قصيدة ( هون عليه دنيتي )
الشاعر / عاطف عمر
هون عليه .......
لو شكيتلك من الحياة ...هون عليه.
والله يا دنيا اللى عملتيه كتير عليه....ومش شويه.
من آمته يا دنيا فيكي حاجه مريحاني.
من أمته يا دنيا كنتي مفرحاني.
كل اللى فيكي بكاء...ودموع على الخدين.
مش عارف اهرب يا دنيا...واهرب اروح علي فين.
بآلف وجه يا دنيا...والناس لها وجهين.
حني علي يا دنيا....لو تاخدي نور العين.
قبل الشباب ما يروح ...فرحيني يومين.

الدنيا مش هيه..دى حاجه منسيه.
بنشتكي منها......وبتشتكي هيه.
دنيا غريبه وعديمة النيه.
تعاند المحتاج طول عمرها غبيه.
تعطي غني ومبسوط أطيان وعربيه (١)
وتحرم الغلبان من.....حتى جلابيه (٢)
متعلقين بيها وهيه ما تسوي...
وعلى الدجل عايشين من غير قدوه ولا أسوه(٣)
نسبق كلاب السكك فى المكر والخسه
نأكل اللحوم من القمامه كالهرره وألبسه(٤)
الدنيا مغروره اتركها وآنساها.
واعمل حاجات حلوه فى الاخره تلقاها.
هون عليه دنيتي لو تستطيع هون.
عملتي فيه الكثير ...ودا شئ مش هين.
============================================
معاني الكلمات =====
١- عربيه : المقصود بها بالعاميه المصريه....السياره
٢- جلابيه : المقصود بها الجلباب الذى يستر الجسد
٣- أسوه : المقصودة بها الأسوة الحسنه
٤- : ألبسه : القطة