بلد الفهلوة - محمد حسانين
بلد الفهلوة
بلدنا بلد الفهلوة
عاوزة الى يغزل خيوط م الهوا
يبلف الزبون وينفخ الى راسه من الذل التوى
لا كتب ولا علم ولا دكترة
الحاوى هيحلها .... لا برجل بقى ولا مسطرة
عقول جزم متشفرة رافضة النور... حالفة طلاق ترجع ورا
ورا... ورا ورا... حالة متأخرة
م الهزل والعجب تلقى نفسك شخصية لعب
يتلقفوك وينفخوك وبعد ما تعلى يشطفوك شطف الحلل
ساعتها هيركبك المرض والعلل بعد ما كنت نجم الهوا !!!
ليل نهار تلقى فى خطب ليها العجب
ويحللولك الغلط ويمضغولك الزلط ...المهم تفضل ورا
تفضل ورا الكواليس تمدح فى البلاليص
والعقول الى عشاها دريس
ان شالله تقول الى اخترع الذرة كان اسمه خميس
ومتستغربش م التهييس
عاوزنها تضرب تفليس وتمد ايديها لكل خسيس
ويسدوا عنها كل طاقة نور
وان مرضت يطفشوا الدكتور ويقولوا عليه ده خاين وعميل
وسلملى ع التطبيل
أولك انت طابور رابع وانشل فى ايدك صابع
وطابع على قلبك طابع كره كل ما هو جميل
ما هو خالك اسمه خليل
وخليلك رافضك يا عميل
ان تصرخ يسد ودانه
وان تشرح يصرخ ويجلل بالجلاجيل
حصان الجهل رابح فى سكة التايهين
و الجوع سلاحه رادع لكل غصن جميل
والوردة شوكها ما يحميها
كثرة العدا يمحيها
وكفاية علينا نسمع المواويل
ونرسم الوجع بكلمة مبهمة
ونمشى كيف المساطيل م نبطل برطمة وترجمة
الصراخ م الخوف اصبح همهمة
همهمة ...تمتمة يا السنة متلجمة بالف لجام
الحق لو فارس مين ال ليه هيبقى حصان
سؤال وفرض نفسه بس السمعية عملوا نيام!!
محمد حسانين
تعليقات
إرسال تعليق