مين بس يمنعنى بقلمى صبرى قنديل شاعر العرب شاعر

مين بس يمنعنى
أمشى ف حواريكى
واشوف شعاع النور

بيطول ف عنيكى
يامصر أنا منك
يامصر هفديكى
يامصر هبنيكى
وبأيدى أخليكى
جنه وكل الناس
تحلم تعيش فيكى
مين بس يمنعنا
وحبك ده جمعنا
أهل ونسيج واحد
مسلم مع مسيحى
بنوحد الواحد
ياشعر وقصيده
ياغنوه وجديده
وقلبى غناكى
شايف الأمل ظاهر
زى الملاك طاهر
طاير وف سماكى
مين بس يمنعنى
أكتب وغنيلك
وعزف على قلبى
ألحان ماواويلك
يامصر ياأمى
دى روحى من نيلك
مين بس يمنعنى
أمشى ف حواريكى
وأشوف شعاع النور
بيطول ف عنيكى
==========
بقلمى صبرى قنديل
شاعر العرب شاعر