صعيدية والفخر ليا تأليف/ نصرة عبد المجيد حسب الله

صعيدية والفخر ليا
تأليف/ نصرة عبد المجيد حسب الله

صعيدية والفخر ليا
فى بلدى عايشة بكرامة
فى الشدة حرة وأبية
ولا عمرى اقبل إهانة
أنا الكل يشهد عليا
فى الأصل وارثة الشهامة
وبأعجن عيشنا بإيديا
شاطرة وعلى خدى شامة
والقعدة على الطبلية
بتكون لينا أجمل فخامة
والعيلة تفضل هنية
والكل ينول السلامة
انا أمى أعظم هدية
فى البيت واضعةعلامة
قيود من غير حرية
نبقى على إستقامة
صعيدية وقلبى ينادى
على كل أم تهادى
الحب من كل وادى
وتقول هذا لأولادى
لها حبى ولها فؤادى
ويكون لها جهادى
صعيدية وكلى حنان
وكرمنا دايما يبان
للضيف أو للجيران
وفى بلدى كان الأمان
تعليمنا حق كان
وكان حلو الامتحان
أجمل ورد وسلام
لكل اللى شيد مكان
لأجل العلم والإيمان
علشان النور يبان
صعيدية والحال عاجبنى
والسعد دايما واعدنى
فى يدى حرفة تفيدنى
والسطح دايما ساندنى
ووقتى دايما يروق لى
مبتكرة وجوى مساعدنى
صعيدية نصيبى صابنى
أنا صعبة للى يعاندنى
وأبويا فى حلمى وعدنى
وللخير دايما يقودنى