قصيدة / ( اعتذار قلب ) بقلمى / هدى سيد ٢٠١٦/٥/٣٠
قصيدة / ( اعتذار قلب )
بقلمى / هدى سيد
٢٠١٦/٥/٣٠
إنتى عايزة إيه ؟فهمينى
بعلو صوته وبكلامه خضنى
بصيت وقلتله ب عنيا
صدمتنى
حسيت ب نفسى منى راح
وعنيا الدمع منها ساح
وإتجمعت كل الجراح
معقولة هو إنت ده؟
معقولة صورتك هى دى؟
بتزعق عادى في قلبى أنا
إزاى كده ؟
يا نبض قلبى ودنيته
يا زرع عمرى وزهرته
يانور ف ليلى وعتمته
إزاى كده ؟
هنت عليك تعمل كده
مهما أكون غلطت فيك
أو حتى ضغطت ف يوم
عليك
يكون ردك قاسى كده
لأ يا أنا. إنتى السبب
ف كل ده
حرام عليكى تظلميه أو
أى تهمه تتهميه
هو كمان إنسان. بشر
وعنده طاقة إحتمال
وبضغط منك إنفجر
يبقى ارحميه واوعاكى
تانى تظلميه
وبحنانك احضنيه
وعن عيون الناس ف قلبك
خبى قلبه ااااااه
وداريه
واوعاكى يوم تضعفيه
قويى فيه
كونى سنده ومدى إيدك
قوميه
وإسنديه
باعتذر لك يا حبيبى ع اللى
صار
ألف ميت مليون أسف
أرجوك تقبل الاعتذار
تعليقات
إرسال تعليق