قلت لولدى - بسمة امل
قلت لولدى ، هات الجريدة
وشوف فيها الأخبار الجديدة
يا بن المدارس اقرا
وخلى بالك عايزة اخبار سعيدة
قالى يا اما
البلد بئت عالحديدة
والأخبار فيها بايته
وعلى ايه مش بعيدة
بصى من شباكك ، وركزى فى حالك
وحال عم حسين بياع اللديدة
ولا خالتى سوسن وروشتة علاجها
وبنتها الخايبة البليدة
صرخت وقلت ، ايه يا بنى ده
اخرتك الوفيات والعائلات التليدة
قالى بسيطة خدى عندك
انتقل اليوم المستشار فلان ابن فلان
وعمه و خا لته وبتنه كلهم
من سلسا ل مسلسل من العيلة المجيدة
ولا اقولك النائب المحترم يؤيد وحرمه واولاده
الوزير فلان الفلانى
مهى يخمة والعزومة عند تفيدة
يه مكنوش كلمتين سمعتنى فيهم محضرتين
يخرب بيت اخبارك الكسيدة
وبعدين ميجراش كل السابقين دول فى زمن السنيدة
والعزوة فى الوظيفة تعمل هيبة فريدة
يا ريت كان خالك مستشار
او عمك نائب برلمان
ولا ابوك سواق عند الهانم البعيدة
كان حالك غير الحال
ولقيت شغلانة عليها القيمة
وكنت خطبت البت وحيدة
قوم يا بنى وبلاها اخباركم ومتعملهاش قصيدة
تعليقات
إرسال تعليق