رمضان كريم ...احمد التركي ..

رمضان كريم ...
أيام وشهور وليالـي ... وانا حالي هو حـالي ...
محتاج حبة ترميـم
وف ترتيب الشهور ... في شهر كله نور ...
تـاج على راس التقويم 
تتعــاد كل حساباتـي ... وبكثــف من طـاعـاتي ..
و بحـاول استقيـم
تكبير . تحميد . تسبيح .. وصلاة بالليل تراويح ..
والذكر المستديم
وعيال كتير تهيـص ... كله وشال الفوانـيس ...
وعملـوا اجمل تيـم
كنافة . قطايف . خشاف .. بركة مفيش اختلاف .
واياك تعمل رجيم
فوازير .. وألف ليلة ... وحقيقي كات جميـلة ...
مـع ان الجو قديـم
جوها كان دمه خفيف . فاكرين حتى الأشكيف ..
ومشكاح اللئيم
أه لو ترجع من تاني .. بجد كتير وحشاني ...
كلها صبحت مراحيم
خلينا ف النهـاردة ... لازم زعلنـا يهـدى ...
وبلاش خصـام عقيــم
لو حد كان زعلان . ينسى داحنا ف رمضان..
ومفيش ابن الرجيم
صالح وابدأ وحِلمك ... لو حتى حد ظالمك ...
دا اللى يسامح كريم
جدد عهـدك بربـك ... وافتح للحـق قلبـك ...
واكسب رضا الرحــيم
من كل قلبـي ليكم ... ربنا يسعـد لياليــكم ...
يملاهـا نعيـم ف نعيـم
كل عام وانتم بخير .. وتشوفوا الهنا دا كتير .
رمضان عليكوا كريم ...
احمد التركي ..