وقفه ..اشعار محمود طنطاوى

وقفه ..اشعار محمود طنطاوى
العمر مجموعه مواقف
كل وقفه وليها ذكرى
تبقى فرحه..تبقى دمعه
بس دى هيا الحياه
والمواقف دى بحالات
كل موقف له ساعات
فيه مواقف تسعدك
فيه مواقف تزعجك
فيه مواقف تنتصر 
فيه مواقف تتعصر 
واللى بيحب الحياه
مستحيل راح ينكسر
واللى فاهم فينا عارف
انها شويه مواقف
مهما كانت ولا طالت
بكره تبقى زكريات
واللى مش فاهم وواقف
عند أحداث المواقف
يلقى نفسه فى ساقيه لافف
فجأه يلقى العمر فات
يبقى هوا والمواقف
فجأه حبه زكريات