بحاول أنسي * طارق عطية

بحاول أنسي

ياللي كان قلبك بيبكي .......لما أغيب يوم عن عينيه
حبي هان وسنينه تحكي....عن عذاب قلبي اللي فيه
بعته ليه..........ذنبه ايه........ولا الفراق مكتوب عليه 
..............................................

دقت نار البعد عنك..........ترضي ليه ذلي وعذابي
عمري ما فكرت أنك........غيرك أنت يدق بابي
فين كتابي.راح شبابي....اللي كان حبك ماليه
...................ّّ.............................

بين خضوعي وحزن قلبي.....عايشة علي ذكراك أنا
نزلت دموعي ومش حخبي...هي الدموع دي حنينة
من عمرنا.ضاع كام سنة........وقلبي أنا اللي كان شاريه
.................................................

بحاول أنسي أي ذكري........بحاول أنسي أنك قسيت
فاكرني لسه حعيش لبكره...ولا يمكن أكون نسيت
انتهيت.من يوم ماجيت......قابلني قلبي وكان ناسيه
................................................

طارق عطية