الحج *طارق عطية ..

الحج

حجيت وكنت ناوي أتوب
وخلاص خلصت من الذنوب

أيه اللي يمنع رحمتك
مادام التوبة من القلوب

زرت النبي وصليت عليه
احساس بقلبي كان ماليه

أنه فرحان بمقابلتي
وعايزني أصلي أدام عنيه

والكعبة لفيت والحرم
يارب عندك الكرم

زرت مقام سيدنا أبراهيم
ناهي أبوه عن الصنم

جبلك ياعرفات موقفي
ومهما تحكي وتوصفي

أرمي يا نفسي عليه الذنوب
وأخلصي منها وأنظفي

ننزل نبات ليلة في مني
ياربي تقبل مننا

أوعي الجدال أوعي الفسوق
ده أمر وأمره ربنا

طواف وداع في مقابلته
عشان ما تكمل حجته

يارب تقبل دعوته
والعبد ليه غير رحمته

طارق عطية ..