معتقدش كثير عليك اشعار..محمود طنطاوى
تسمحلى اقولك كلمتين هه
ارجوك تركز فى الكلام
عايزه اعترف انى معاك عايشه فى حاله انسجام
انسجام مقدرش اسميه الغرام
واحده واحده عشان عواطفى بتنجرح
خليك مرح ارجوك وسيبنى اعترف
بأنظر اليك نظره صديق نظره شريك
نظره رفيق حنعيش سوى لاخر الزمان
الحب عندى مش هيام
مش بدوب من نظره او يسحرنى معسول الكلام
سيبنى اعترف انك قمر
بس الجمال عمره مكان ميزه فى تصنيف البشر
سيبنى اعترف ان الحنان هوه اللى بيحببني فيك
والامان احساس بشوفه بس من نظره عنيك
احساسي بيك
حاسه انى بعرفك من 100 سنه
فرحه لقاق كل مره
بحس انى مشتقالك من سنه
بس انت تعرف مين انا
انا..
انا اللى صانت قلبها طول عمرها بين اهلها
بس القريب
كان قلبها طول عمرها
مفتحش بابه للغريب
معشتش لحظه انكسار
معشتش لحظه هجر
او لعب الصغار
سيبنى اعترف انى امتلك ماضى اقوله بأفتخار
واللى جاى من عمرى كله حيبقى ليك
حوهبك قلبي اللى معرفش الغرام
قلب خام
يبقى مفتاحه بأيديك
وانت حتصون ودى ليك
ده عشمى فيك
تحتوى قلبى بحنانك وبأيديك
وانا من عينيك
اشعار..محمود طنطاوى
تعليقات
إرسال تعليق