عيونا نزفت دم * بقلم مسعد السيد خليل

عيونا نزفت دم
----------------
من قلبى كتب القلم
والعقل منى طار
على حصل فى سيناء
من انفجار وضرب نار
شباب فى عمر الزهور
نالو الشهاده بشرف
والارهابى ماعنده شرف
عيونا نزفت دم
وقلبنا شالت هم
وجينا نشرب حلو
طلع ياعينى غم
على رملك ياسيناء مقاسى
وده شىء تعبلى راسى
بدل مزرعك بالفاس
دفنت فيكى اعز ناسى
فالقلب اصبح جرح
نسينا بعده الفرح
شجرنا بطل طرح
مستنى يطيب الجرح
الجرح كده موجود
زى الزمان فى خلود
قولو لزمان يعود
لجل يطيب الجرح
بقلم مسعد السيد خليل
قرية امياى طوخ قليوبيه