(فكَّرت) الدكتور/خالد عبدالحميد خربوش

قصيدة بعنوان (فكَّرت)
-----------------------------------
فـــكَّـــرت أَأَلِّـــف أُغــنـــيــــَّه
وبدال السطر لقيت مِيَّه
ونَظَمْت وبطريقه غبيه
أصبحت مؤلِّف مـشــهــور
*******************************
وسرقت النغمه اللى تناسب
مين يعرف أو مين بيحاسب
وبقيت ع المنوال دا محاسب
من لحن قديم.يبقى سبور(spore)
*******************************
كِبْرِت فى دماغى أكون مطرب
والحظ إدَّانى وراح أجرَّب
ومسكت المايك وقلت أضرب
موال ياتصيب.يااتنين عور
********************************
جابت ويَّايا بقيت أوزَّع
ألحان لىْ وغيرى وبتفَزَّع
كل اللى إحتاجته إنى أرزَّع
ولا سيرك باصارع فيه تور
********************************
الغنوه واخدها انا من بابها
بــيـــهـــا جـاهز للى بيـطـلبـهــا
يــبــــرز ويــقِّــبْ بــأتـــعـــابـهــــا
راح تبقى بتاعته قوام شور(sure)
********************************
صدَّقنى المغنى بيتبهدل
من ناس بتعدِّل وتبـــدِّل
لنشازهم بنقول م الأوِّل
وبإيدنا طفينا احنا النور
********************************
الدكتور/خالد عبدالحميد خربوش
من ديواني الأول المعنون:

(ونصبت لنفسى الفخ)