كرسى الاعتراف - بقلم / حسانين خاطر ( صادق الوعد )
كرسى الاعتراف
حبيبى ياللى من اول نظرة سحرتنى عيونك
ومال ليك الفؤاد ولقيتنى كتير بهواك وشغلنى طيفك
بدى اجلس على كرسى الاعتراف قدامك
بدى اصارحك وأجاوبك على كل كلامك
بدى اقول كل شىء فى ذهنك وبيدور فى خيالك
طبعا بدك تعرف عشان تتطمن على احوالك
عشان تشوف اللى حبك واللى بيريد وصالك
قبل كل شىء لابد تعرف إن قلبى بيتمنى ودادك
وتتطمن اوى اوى إنى باتمنى يكون بيتى بيتك
وانا مثلك مشتاقه اقولك كل شىء يطمنك على حياتك
ولما تعرف كل شىء اكيد راح يرتاح بالك
عاوز تعرف اسمى وسنى وعنوانى وغرامى بالنسبالك
أنا نجمتك اللى شوفتها فوق فى العلالى وعجبتها نظراتك
انا وردتك اللى حبيتها وبترعاها وترويها ببستانك
انا الزهراء اللى حبيتك واخفيت عليك محبتى وشفتها بعيونك
انا المطر الدافى اللى نازل عشان يروى قلبك ويداوى اسقامك
انا قطرة ندى فى ساعة الصبح تعطر كل انفاسك
انا القلب اللى بتبحث عنه عشان ترتشف منه حنانك
أنا طبيبتك وعارفه علتك إتجرحت بعد لهفتك وهيامك
بدك تسمع ايه تانى ؟ إسال وانا رهن إشارتك
عاوز تعرف عنوانى ؟؟ إنت عنوانى وأنا عنوانك
وكفايه كده اعتراف لو تريد اكتر يبقى حاقولك فى ودانك
تعالى يلا نتكلم ونقول كلام بالهمس وتسعدنى همساتك
يلا افتح قلبك ودخلنى واقفل عليه وهات مفتاحك
وحافظ عليه اوى واروينى حب وعشق وخلينى جوااااتك
حتلاقينى نبض قلبك ومشاعرك وإحساسك
بقلم / حسانين خاطر ( صادق الوعد )
تعليقات
إرسال تعليق