أتمــنيـت - بقلـــــم: عـــــادل الشـــــهــابى

أتمــنيـت

يا حبيبتى إتمنيت يكون ليا جناح وأقدر أطير ..

أتمنيت أكون عصفور يا حبيبتى من ضمن العصافير ..

أقدر آخدك يا حبيبتى وفى السما نطير ...

أبعدك عن الناس لأنى عليكى بغير ....

أتمنيت أكون فارس حتى فى أحلامى ...

أتمنيتك تكونى حرف من حروف كلامى ....

يا أسم غالى عيشتى وعاشت الأسامى ....

أتمنيت قلبى قصر وأنتى فيه من السكان ...

أتمنيته قصر ووحدك إنتى بس اللى عارفه العنوان ..

قلبى فى يوم هيهدى ويرتاح ..

لما تسكنيه وبأيدى أضيع المفتاح ...

لما يلمسه إديكى يطيب فيه كل الجراح ...

أتمنيت أكون شمعه تنورلكِ ليلك ...

ولو بأيدى آخد من عُمرى يا حبيبتى وأديلك ..

أتمنيت أكون ليكى بسمه ...

أتمنيت أكون ليكى النصيب والقسمه ..

أتمنيت أكون شمسك فى برد الشتا أدفيكى ...

وبين أحضانى وفى قلبى أخليكى ...

أتمنيت أكون الضى اللى فى عنيكى ...

أتمنيت أكون الهدوم اللى عليكى ...

أتمنيت أكون حارس عليكى بسيفى ...

أحبك على راحتى حبيبتى وعلى كيفى ..

وطول ما أنا جامبك يا حبيبتى أوعى تخافى ...

أتمنيتك غنوه جميله ...

وتكونى ليا إنتى الحيله ...

أتمنيت أكون قدرك ....

وحياتى لو تطلبى تكون مهرك ...

أتمنيت يا حبيبتى كتير ...

بحبك أنا وعليكى بغير ...

بقلـــــم: عـــــادل الشـــــهــابى