شعر عامي, - د / مهاب البارودى

85 = متمشيش جنب الحيط انت مش صرصار :

عارف لما هزيمة تشدك و يضيع منك طرف الخيط

مجدك يبقى مجرد ذكرى برواز متعلق ع الحيط

راح تبقى مجرد شطرنجة ومصيرك حبة تخبيط

هتعيشها مطارد و مهدد و حياتك حبة لخابيط

ولا يمكن هتحس نجاتك لو حتى طريقك في الحيط

راح تبقى ضحية أعدائك مرحلة من ضمن التخطيط

أحلامك راح تبقى كابوس و عظامك ينخرها السوس

و حياتك دي امل ميأوس و كرامتك من تحت الدوس