((( عاجنح ليلة ))) الشاعر السوري المهجري ... اليان سمعان ...

**=0=***((( عاجنح ليلة )))***=0=***
.................................................
عاجنح هاك الليل رحلت عامخدة
*-*-*-*-* رحلة حلم مجنون لوين بتودي

حبي وحنيني ضبيتهن شنتة
*-*-*-*-* عيونك مطار الحب هنيك بتهدي

طار الحلم فيي عاسحر العين
*-*-*-*-* ما اجملك ياحلم لو كنت وردي

وصار القلب مابين حب وبين
*-*-*-*-* انا سامح وهوي يقول مابدي

وصل الرحلة حلم لسحر هالعينين
*-*-*-*-* وفتحت لديات الوفى بحب ومودة

تعبان بدي نام بين هالجفنين
*-*-*-*-* عودي عاغربتي بيكفي مابقى بدي

خلي الزمن يوقف وانا بين نارين
*-*-*-*-* حب وعشق مفتون وشوية ومودة

نام الورد نعسان عاجبال هالخدين
*-*-*-*-* وخلصت حروف الغزل مابقى عندي

من يومها شو عشقت هالتنتين
*-*-*-*-* حلمي ونوم الهنا عاهاك المخدة
.........................................................
الشاعر السوري المهجري ... اليان سمعان ...