حبيبتى أطمنى * بقلــــــم: عــــادل الشـــــهــابى

حبيبتى أطمنى
حبيبتى أطمنى وعيشى فى آمان ...
قلبى حبيبتى مش حبة رومان ...
مش أى حد يقوله بحبك يلاقى فيه مكان ..
قلبى بيكى إنتى حبيبتى بس مليان ..
ولغيرك مش ممكن يقدم الحنان ..
حبيبتى نفسى أكتب بين سطورى أسمك ..
والناس من كلامى تقدر تعرف رسمك ...
خلى ثقتك فيا كبيره ....
وبلاش قلبك يكون فى حيره ...
دى قصتنا قصة حُب جميله ...
بحبك أنتى وبس ..
وقلبى بغيرك أبدا ما حس ..
يالى حسنك أنا بيه مفتون ..
يا أجمل صوره رأتها العيون ..
بعترف إنى بحُبك أنا مجنون ..
يا حُب صادق له أنا لقيت ..
وقلبى ليكى عملته سكن وبيت ..
حبيبتى أبيع الدنيا ولا أبيعك ..
ده أنا بنام وأصحى على مواضيعك ...
أنا من الدنيا دى أشتريتك ..
وعلى الراس يا حبيبتى خليتك ..
أنتى ليا أجمل الأحلام ..
وأنتى الطيف الجميل اللى بيزورنى دايما فى المنام ..
حبيبتى أطمنى وعيشى فى آمان ..
قلبى يا حبيبتى مش حبة رومان ..
بقلــــــم: عــــادل الشـــــهــابى