اغنيه 2 ::: * بقلم مصطفي احمد

:::::::::: :::::::: اغنيه 2 ::::::::: ::::::::::::::
من البوم السعاده

الورد ضفاير يتمايل
بساتين راسمين رمش عيونك

يا حبيبة قلبي بتحايل
على قمره تعدي وتزورك

يا قمره رايحه على فين

ورق الصبار ف رسايل
وخيالي ليالي ف جفونك

يا نجوم الليل انا حايل
اسرار اسوار تليفونك

طاب رنه يا ست الحلوين

وانا ساكت لكن ياما قايل
مشتاق يا حياتي لو اشوفك

مجروح ياروحي مش طايل
وقصادي حياتي فدا خوفك

ولغيرك اهديها مين

انا بسمه ونمسه وشئ هايل
لو مره اهرب من شوقك

انا قلبي عجوز يدوب شايل
عنقود الفل يدوب لونك

من لونك يطلع قمرين

بقلم مصطفي احمد