{ حــــظ نــــار } للدكتور/خالدعبدالحميدخربوش

قصيدة { حــــظ نــــار }
للدكتور/خالدعبدالحميدخربوش
**************************

حظه نار اللى يعامل

م البشر متخلفين

اللى منهم فلته يبقى

مستواه بين البينين

واللى يعنى يادوب بيفهم

كل فين تلاقيه وفين

شئ حقيقى ياناس يزهق

أو ينرفز أو يطهق

مين صبور يقدر يساير

البلاء ده ولو يومين

••••••••••••••••••••••••••••••••••

الكلام منك بيطلع

سهل من غير أى عك

ياترى يوصل لهم

محسوب عليك أم يبقى لك؟

أفتكر إن التخلف

راح يبان بلا أدنى شك

أَى نعم دى حاجه تفلق

بس إوعى فـــ لحظه تقلق

الجلوس مع دُول غباوه

يعنى شوف حالك وفُك

٠•••••••••••••••••••••••••••••••••

دُوُل يعيبوا الفكر عندك

اللى عُمره مااتعايبش

أصلهم جَهَلَه فـــ حديثهم

والكلام فى البُق دَبْش

فى الهطل مافيش مثالهم

يظهروه لو ماانطلبش

إلعن ابو خاشهم وروَّق

أى نُصح ماراح يحَوَّق

العيار دايمًا بيدوِش

اللى قاصده ده لو مااصابش

**************************

الدكتور/
خالد عبد الحميد خربوش

من ديوانى المعنون:

عـــــهـــــد جــْــديـــــد