{ إهمال الناس } للدكتور/خالدعبدالحميدخربوش

قصيدة : { إهمال الناس }

للدكتور/خالدعبدالحميدخربوش.
…………………………………………………………

إهمال الناس دا علاجهم

تتجنب بيه إزعاجهم

و ـ فــ بُعدَك عنهم تبقى

عكننت بجد مزاجهم

إهمال الناس دا علاجهم

٠••••••••••••••••••••••••••••••••••••••••••

فيه ناس عايشين ببجاحه

فاكرين العافيه فصاحه

دُوُل بين الجهل وبينهم

فيه عِشره قديمه وراحه

فيه غِيَّه..يخَلُّوا النِيَّه

مَلْوِيَّه عشان تحتاجهم

إهمال الناس دا علاجهم

٠•••••••••••••••••••••••••••••••••••••••••••

الناس مظهرها خافيها

والسوء مايبانش عليها

معروفك مش فاكرينه

تِدِّيها مايتمر فيها

لاتجامل...ولاتتعامل

بالكامل مع منهجهم

إهمال الناس دا علاجهم

*********************************

الدكتور/
خالد عبدالحميد خربوش

من ديواني المعنون:

[ ونصبت لنفسي الفخ ]