مسحوره * الشاعر خالد امين الله

مسحوره

مش محترف ولا بلعب كوره
ولا برمى كلام للاموره
انا بس بحسن من قلبى
دا مرفرف زى العصفوره
انا غاوى اشاكس ف شفيفك
واطبع على خدك كام صوره
مش حاب تعاندى وأعاندك
ولا حابب ابعد عن ودك
انا موجه ف جزرك وف مدك
تلميذ قام مسح السبوره
بتلكك واتقرب ليكِ
فيه شيء بيشدنى لعنيكِ
أنا سكنى وراحتى على اديك
رغم انك حلوه ومغروره
ودا ممكن يدينى أحساس
انك مش طبقه من الناس
وغموضك على اى أساس
َصعب من حل الفزورة
بتعاودى تلفى وتدورى
لو شفتى الأحلام على سورى
ولا عمرك تغضبى وتثورى
ومش حاسس انك غيوره
احساسى ف قلبك فيه برود
واجيبلك على كدا شهود
نكراني ومافيش لي وجود
انا شاكك انك مسحورة