بحبك يارسول الله
محمد الشاذلى
كتب
بحبك يا رسول الله *** بحبك يابن عبد الله
وحبك ف القلب ملاه*** بيمده بسر الحياة
بحبك يا رسول الله
بعتك لينارب الكون**رحمةوهدى وقلب حنون
وخلى الفرحة جوه عيون**تحس بربنا ف علاه
بحبك يا رسول الله
يا رحمة ويا هادى **** الحضر ويا البوادى
قلبى عليك بينادى **** حبيبى رسول الله
بحبك يا رسول الله
سوك ربى بحكمته **** وملاك بعطفه ورحمته
وخلاك لناره وجنته **** تشوفهم بعين الحياة
بحبك يا رسول الله
انقسم ليك القمر *** و زحف ليك الشجر
وسلم عليك الحجر *** يا نعمة من عند الإله
بحبك يا رسول الله
اسمك *** فى السما محمود
أصلك *** قبل كل وجود
فعلك *** رمز كل الجود
وصفك *** رحمة من ربى ف علاه
(بحبك يا رسول الله)
تعليقات
إرسال تعليق