دفتر ذكرياتى * بقلمى : حسن يونس شاعر الزمن الجميل

دفتر ذكرياتى
فتحت دفتر ذكرياتى
جواه لقيت حبة حروف
هى الحروف من غير نقط
ولا خلاص مبقتش اشوف
فضلت اجمع فى النقط واحطها
فوق الحروف وتحتها
طلعتلى صورة شابة حلوة
آه من جمالها ومنها
رجعت تانى للحروف
اللى سنين اهملتها
يمكن الاقى حاجة منها
او يمكن اعرف اسمها
تلات حروف من غير نقط
فيهم حكاية كل السنين
تلات حروف من غير نقط
الحب كله والحنين
تلات حروف من غير نقط
ذكرها رب العالمين
مصر رجعت لحضنى تانى
للحنان والحب كله والامانى
مصر رجعت وحكتبلها
من جوا قلبى احلى الاغانى
بقلمى :
حسن يونس
شاعر الزمن الجميل