حكاية_وطن _بقلمى وليد الصفتي

علي ضوء أمسية صالون ورد المني قصيدة عامية بعنوان #حكاية_وطن _بقلمى وليد الصفتي

الله أكبر قوم وكبر
النصر اتحقق ع الاستعمار

بعد الهزيمه ونكسه وخيمه
قامت جنود ثارت احرار

المصري أصيل والصبر جميل
وبعد الضلمه جاي نهار

صوت الوطن بيعرف شجن
والحسرة بكايه مر ومرار

بكى عمي وأبويا وأمي
وشباب ورد كانوا أحرار

ومرت ايام ومرت أعوام
والمصري حالف يجيب التار

خطط ودرس وقام وأفترس
عدو صهيوني كان جبار

وبفضل الله عبر القناه
والله اكبر كانت شعار

جاب أرضه وحمي عرضه
ورفع رأسه بعد انكسار

جهز طايراته وحرك دباباته
وف وقت واحد ف عز النهار

دك إسرائيل واداى الدليل
ف ست ساعات كانوا شرار

ضحكت وبكيت وفرحت وغنيت
عملوها الرجاله بعزم وإصرار

فاق الغرب على صوت الحرب
وقنابل نازله زى الأمطار

جولدا مائير وزيرة الخنازير
شافت خيبتها ودك الأسوار

راحت أمريكا تعزف مزيكا
وتشكى حالها وتقول أعذار

يلا يا حيلتها مصر عملتها
أولادها رجاله على خط النار

تسلم يا ابن النيل يا مجدع يا اصيل
وقت الشده مفيش اختيار

تفوت ف الصعب وتبث الرعب
ف كل جانى وده إنذار

قصه مصري ف دمه بيسري
حبه لوطنه زي الأنهار

جبت النصر هديه لمصر
أهديك يا ولدي طوق ازهار